- وليم اسكندر ابراهيمعضو VIP
كلم يسوع بدون رصيد
الثلاثاء أبريل 07, 2009 12:46 pm
كلمنى ياربى عايز ابقى سعيد
انا عرفت هبقى ازاى سعيد تحب تعرف انت كمان
الواحد بيبقى سعيد لما الموبايل يكون فى الايد
مش مهم اية نوعة المهم انة بيقرب البعيد
بنسمع بية اصوات حبايبنا من اوروبا للصعيد
بس لما الكريدت يخلص نلاقى الخنقة تزيد
والواحد يكون مفلس وقاعد على الحديد
والوالد مش قادر يشحن اصلة تعب من التسديد
طيب انا زهقان دلوقت ومفيش فى حياتى شئ جديد
عاوز اكلم اى حد واسمع اى خبر جديد
وبليزاتى كمان خلصانة عن تلاتة مش راضية تزيد
والست اللى علي طول ترد بتزود الخنقة اكيد
اصلها مبتقولش غير عفوا لقد نفذ الرصيد
لكن خلاص عرفت الحل اللى هيخلينى دايما سعيد
ويفرح نفسى الزهقانة ويريح عقلى المريض
طبعا هو يسوع الوحيد اللى ها اكلمه من غير رصيد
ولا فى وسط ما بكلمه هيقولى اشحن من جديد
ولا هيقولى خلص قوام عشان مرتبط بمواعيد
كلمنى ربى واسمعنى ارجوكك انا مليش غيرك و لا صديق و لا حبيب و لا قريب و لا اخ و لا حد ابدا وحدى انا يارب عايز اتكلم معاك
يمكن لما اكلمك بقلبى المجروح ده القى قلبك مجروح عليا اكتر يهون عليا
يمكن لما اكلمك بدمعتى الى نازلة بمرارة و تنهيد القى دمعتك عليا حزن نازلة اكتر منى
يمكن لمااكلمك بوجع الالم اللى انا و اخده على وجهى القى العذابات اللى على راسك تخفف من المى وهمى
ربى انا مجروح و حزين اتكلم معى عايز اسمع صوتك عايز احس بحنانك
عايز ياربى ابقى سعيد
اتمنى كلنا نقدر نوصل للسعاده الحقيقة
نقدر نوصل لحضن يسوع
ينبوع السعادة
ارجوكم
صلوا من اجلي
وليم اسكندر
صلاحيات هذا المنتدى:
لاتستطيع الرد على المواضيع في هذا المنتدى